YOUR NEWS PORTAL

Qodabada lagu heshiiyay Df iyo Puntland

(BB)Dowladaha Puntland iyo  Federalka ayaa heshiis buuxa ka gaaray wada tashigiii u dhexeeyay labada dhinac ee maalintii shalay ka furmay magaalada Garowe ee Caasimada Dawlada Puntland.

??????????????????????? ???????????????????????Madaxweynaha iyo R’iisul wasaaraha oo shir jiraa’id ku qabtay xarunta madaxtooyada ayaa si wadajir ah u sheegay in is afgarad buuxa laga gaaray arrimihii laga wada xaajoonayay ee sal dhiga u ahaa gaarista hiigsiga 2016.

Afhayeenka xafiiska Raysal wasaaraha Ridwaan Xaaji Cabdiweli ayaa kadib saxaafada u aqriyay qodobadii kasoo baxay wada tashiga labada dhinac.

Halkaan hoose ka akhriso qodobada;-

1:: Dowladda Puntland iyo dowladda federalka waxay isku afgarteen dardar galinta heshiiyadii ay horey u wada gaareen oo uu ugu dambeeyay heshiiskii 11 actobar 2014. Si arintaas loo gaaro waxaa la magacabay guddi isku dhaf ah oo ka shaqeeya herglinta heshiisyadaas.

2: Waxaa la isku raacay in dowladaha xubnaha ka ah dowladda federalka Soomaaliya lagala tashado xeerarka uu ansixiyo barlamaanka federalka Soomaaliya iyo guddiyada madaxa banaan ee heer qaran.

3: Dhismaha dowladdaha xubnaha ka ah dowladda federalka waxaa loo marayaa si waafaqsan dastuurka federalka Soomaaliya.

4: Udiyaar garowga iyo qabashada madasha wada tashiga madaxda sare ee dowladda federalka Soomaaliya iyo dowlad goboleedyada, Waxaana lagu qabandoonaa magaalada Garowe bishaan Abril.

5: Dhismaha ciidan Qaran: Waxaa la isku raacay in ciidan qaran oo dhan 3000 askari loo qoondeeyo dowladda Puntland.

6: Waxaa lasoo dhaweeyay sida dowladda Soomaliya u maamulayso wada hadalka lagula jiro maamulka Soomaaliland iyo mowqifkii ay iska taagtay wada hadaladii ugu dambeeyay ee Turkiga.

7: Labada dhinac waxay ku heshiiyeen in toos ah iskaashi iyo wada shaqayn buuxda u yeeshaan wasaaraddaha labada dhinac sida arrimaha dastuurka, qeybsiga deeqaha caalamka iyo waxbarashada, iskaashiga qorshaha qaranka iyo siyaasada isgaarsiinta qaranka.

kala soco wixii cusub

www.balibusle.com

War iyo Wacaal Maanta
Xulka muuqaaladda
Wargelin & Fariimo gaar ah
Wargelin & Fariimo gaar ah